Rawllai nun

Phuahtu: Lalfaka Hnamte

Satu: H Lalthakima

Aw, khawnge lenrual hluite?

Suihlungruala leng hnute;

Ngai ve hian ka ring mang e,

Lenrual kimte'n lenlaini.

Tunah mual an liam ta si,

Rawllai kan vanglainiten;

Ngaiin au thin mah ila,

Hun hian min liampui zel si.

Hmanah chuan rawllai hun nuam,

Kawplai di leh ning zu nen;

Chun leh zua zarah muangte'n,

Rawllai nun par ang kan tlan.

Aw, khawnge damlai pialral?

Rawllai hmanlai kan nun kha;

Kei ka hringnun dam chhungin,

Ka nghilh lo'ng rawllai nun kha.