Lungril a leng vawng vawng

Phuahtu: T Lalnunzama

Satu: K Lalruatsanga

Kan pian, kan seilenna Haikhawpui sumtualah,

Lungduh dar ang lengin Dam veng lawm lungrualte;

Kan hlim, kan lawm, kan nui,

Vangkhawpui tual nuamah lung kan rual ngei e aw, tudang reng ngai lo vin.

A thenin fam changin piallei dai min rem san,

A thenten vang khaw dang belin min liamsan a;

Suihlung a leng mang e,

Kimtea lenlai kha auhkir theih chang si lo,

Lungril a leng vawng vawng.

Mim ang lo piang zain sial ang kan seilian a,

Hal lotea lengin vanglai hun kan chen a;

Nui hiau sakhmel hlima lenrual kima lenlai,

Kan ngai em a sin, aw, sawi lai kang bang thei lo.

Hlimtea kan tuanna tlang leh mual ngaitein,

Hringnghial sawmfang dum dur:

Lam dar iang kan chhaina kan thlir ning thei lo ve,

Lengi hlim nui ri leh zalam thuam chhawlthuaina, tahna an chang zo ta.

Hai khawleng ruangbualna Dil chhak mual nuam laian,

Nghilh loh suang kan phun e, sakhming kan chuan tir e,

Hmangaihna hrui vuanin kan leng Hai sumtualah,

Then zai kan rel lo'ng e, piallei a ral hma zawng.