Mizo takin

Phuahtu: Dawngkima

Satu: Makimi, Siampuii Ralte

Aw Zoram, ka neih chhun, aw, a pawi ber,

Hming tihliauva sualna dawi ngawl hri veiin;

Rawlthar tuai par vul lai pul hri vei iang,

Rui thle nguai nguai chung zawngin,

Khawi lamah ram humhalh a har awm!

A...ha...a...a...ha...a...

E...he...e...e...e...e...

Vawng zel la, vawng zel rawh,

Zonunmawi vul reng se;

I hun awl hmang tha zel ang che,

Tanpui ngai tanpui zel ila, Mizo takin.

Hmatiang sawn rel turin i neih zawng nen,

Vai chhetete laitual maw in pan le?

Zoram sum chhiar sen loh maw i hlan mai,

Heti reng reng hianin zawng,

Khawilamah intodelh a har awm!

Kawnglaian ram dang mi an phe suau suau,

Lawina run sang reman khu lam mi;

Zofaten kan peih loh engkim an zuam,

Inti changkang nang ve hian,

Khawilamah hnam humhalh a har awm!

Dawn chiang teh, Zohnahthlak,Sappui iangin,

Thil chitin reng iai lovin thawk zelin,

Doral lian zu leh drugs sirah hnawlin,

Remna par mawi cham reng se,

Zofaten intodelh i rel ang.