Rikrum thila khiangawihna

Phuahtu: K Hminga

Satu: K Hminga

A sakhming chu lung min lentu,

A sakhmel chu hnung min chhawntu;

Khuarel ka dem dawn nge, vanduai ka chhiar dawn?

A sakruang chu mi runa lawi hnu,

A parmawina chu thliahhnu an chan zan khan,

Kei pawh ka thinlunga hlimna chu thliahin a awm ta.

Hmangaihna thu kan thlung na a,

A hrui a fei tawk lo vem ni?

A bawmtu hmuar leh patekte'n,

Thlemin an hel a, ei chatin,

Nang an an rim thlu che maw,

Karah thubuai zawng a leng na a,

Mi thai chan nan a hma lua e,

Khiangawihna hi rikrum thil maw lo ni?

Duh ber kal san a, duh zawk thlang chu,

Hlima nei la, malsawmna chang la,

Lungchhir mittui khura'n,

Tah rawlin min au suh,

Ka tawrhna mittui ka tahna awrawl hi,

I hlimnana a man ka pek ni se,

Lungrun, ka hausakna tehfung chu natna a ni ang,

Van Lal hmaa kumtluang thutiam,

Inkutsuiha in tiam ni kha,

Kei ka tan engkim tawpna,

Min hnungchhawnna nem nghettu thuthlung an ni asin,

Ropui leh hmingthatin min tlawm,

Min tlawmtu tawnah nang i lawm,

Khiangawihna hi rikrum thil maw lo ni?