Chhawkhleipari

Phuahtu: Vanlalruata Sailo

Satu: Henry Thanzauva Khiangte

Chhingkhuala di lenmawii,

Kim tlang mawi hluan mengmawii,

Mithlaa'n a cham reng e,

A ngai hian e ka van ruai a,

Thliah hnu chhawl ang ka uai zo ta,

Tuar zo thei hian ka mawi lo ve.

Tawn leh ni maw her thuai se,

Biahthu tin hlan che ka nuam;

Hnemtu tlei dang ka tawng lo ve,

Chhawkhleipari, aw, nang lo chu.

Ka hawi vel a leng dang chu,

Kawpte'n an leng nui hiauvin;

Kei chu e, ka riang lua e,

Min dawn ve chang awm tak maw e,

Theih zawng nise i kiangah ngei,

Ni rei cham mai ka nuam mang e.

Duhthu ai ang sam ila,

Kawpte'n runhmun lengin,

Fanau maltluan chawi ila,

I hmangaihna ka chang tur chu,

Eng dang, tu dang ka ngai tawh lo'ng,

Hringnun khawvel a kim tawh ang.