A leng vawng vawng

Satu: C Vansanga

A leng vawng vawng, lunglai di ngai reng hian,

Lung ka vai, tuar ka thiam lo;

Aw, hei hi maw an sawi suihlunglen chu,

Fam dai rial ka chan pui mai awm e.

A zual si thin chhawrthlapui en chang hian,

Min ngaih tir nau ang nuih lai;

Ning lotea sakhmel kan lawm laite,

Lungrukah hlui lo te'n a thar zel.

Senlai nau ang tapin ka thlir chhawrthlapui khi,

Liam pui se kei ka tah lai nite hi.

Turnipui khian ka hlim lai ni ve kha,

Herchhuah pui leh thuai hram se;

Dawn lungruka duhaisam reng reng hian,

Khua ka tlai mai awm e, aw, kei zawng.

Senlai nau ang tapin ka thlir chhawrthlapui khi,

Liam pui se, kei ka tah lai ni ve hi,

Liampui se, kei ka tah lai ni ve hi.