Ka di Mapui

Phuahtu: Paia Pachuau

Satu: Sakha

Aw chhawrthla eng, min lo ngai la,

Tun an hriat loh ka lung di khan e,

Thu tam sawi lovin Biahzai min hlan.

Ṭuan ṭul vanga liam ni chuan,

Thangzawr iangin ka fam ngei ang,

Ti-a ngenin biahzai min hlan.

Aw, ka duhaisam zawngte,

Ti hian ka hlan mai nâng che.

He thinlung no hi haider lo la,

I ṭangnem bela la cham rih ka nuam;

Chung chhawrthlapui ding rih la,

Hmangaih biahthu ning lo tein,

Min hlan leh la he hun tawi tê hi,

Âm te'n chen dun ka nuam ngei e,

Ka di mapui.

Ni leh thla te'n liam zai rel se,

Vangkhua mawia lo let ni chuan,

Cham hlen turin min chelh nang che.

Thiamtin zirin zirna run sangah,

Ziak ṭial tinrêng leh thangchhuah silhin,

Zawhzazopa iang mah ila,

I ṭangnem bela riahrun tem hi,

Ka duhaisam a la ni fo vang.

He thinlung no hi haider lo la,

I ṭangnem bela la cham rih ka nuam;

Chung chhawrthlapui ding rih la,

Hmangaih biahthu ning lo tein,

Min hlan leh la he hun tawi tê hi,

Âm te'n chen dun ka nuam ngei e,

Ka di mapui.