Nunhlui

Satu: C Vansanga

Thal khaw romei ianga zam ral lo,

Tuan tul reng dawn lo vin;

Nun hlui zawngte ka dawn thin a, 

Tuah rem loh panlai di then zawng,

Hrilh thiam awm tak maw, aw, suihlunglen hi,

Nghilh ni awm thei hian ka ring ne maw.

Tah khua a sei lua e, 

Aw, nang ngai lai bang thei hian ka mawi lo;

Perhkhuang hrui rimawi, lung min hnemtu,

Ka pawm vawng vawng nang che aw.

Sam ang then ni lo herchhuakin, 

Kumpuisul lo vei hian nun hlui zawngte ka dawn thin a;

Buan ang pawma kan nuih dun lai,

Dawn ve thin che maw, kan hlim ni zawng kha?

Nghilh thei reng hian, aw, ka mawi nem maw.

Hlim lai ni zawng a kiang mahna,

Perhkhuang hrui rimawi nen;

Eng dang dawn lo vin ka zai zel dawn,

A tu'n min sel lo u.