Tawnmang ramah

Phuahtu: Manuni

Satu: Zualbawihi

Thaikhawi biahthu min hla ve na a,

Palai bawngte i lo tir reng si lengdang tawnah;

Awi maw, a na, ka chan hi,

I tuar thiam dawn bik em ni?

I lungdumtu chuan fanau maltluan chawiin,

Ka tel lohna khawvelah hlimte'n leng nang che u;

Mah se, hei erawh ka ngen a che,

Tawnmang ramah tal i hmangaih nih ka duh.

Nghilh ngai loh tur kan thawnthute kha,

Thamral maia'n ka phal thei mawlh lo, ka chhiar nawn fo;

Lungmawl tuara'n, aw, a na, 

Dam ni awm thei tak ang maw?

Lian chhung lungdum zo ve lo ta chu,

Kumtluang thutiam a rem dawn si lo, ka tih lai khan;

Min chelh lo khan hrethiam la, 

Lungmawl  ka tlawm nawn lo  tur.