Ka vei ber che

Phuahtu: Chhandama Khiangte

Satu: Sangkimi Khiangte

Min hliam lo la, keipawn ka hliam lo'ng che, Dite....

Rem lo tura biahthu di hlan zawng,

"Ka tum tawh lo'ng" ka lo tih laiin;

Khuanu leng ruat tur ngei nia ka beisei ngei chu,

Tunah dar ang ka tawng ta che lungrun.

"Ka vei ber che," tia biahthu ka hlan hi,

I dawn lungruk ril ber thleng thei se;

I thinlai natna thlen tir tura'n ka mawi lo'ng e,

Min hliam lo la, kei paw'n ka hliam lo'ng che, Dite.

Zankhua rei hian ka ngai zual thin che,

Dar ang tawn ni turte dawn velin;

Tawnmang mawlah nang nen hlimte'n len dun relin,

Duhthusam mai atan chang mai lo se.

Kei lungmawl duhsam zawngte hnawl mai lo la,

He thinlung riang hi mi dawn ve la;

Sira hnawl tur atan min phal lul suh.

Min hliam lo la, keipawn ka hliam lo'ng che, Dite....