Tiam tlat e

Phuahtu: CFL Hmingthanga

Satu: CFL Hmingthanga & Lalhlunpuii Sailo, Thangromawia Thomte

Khuanu tuahrem run hmun leng dun turin,

An sawi remta palai anka thiamten,

A lo thleng ta e, an hun hlu ber chu,

Lawmpui lo hringfa awm tak ang maw?

Chhawm zel nang che i anka nem dam diai.

Min lo tawk la, kan lo lawi e, in run bel turin,

Silhpuan zial leh tahpuan bu, thuam tin phur kimin;

"Tiam tlat e" tia a chhampui val tawnah,

Zan tlai bawhar iangin a lawi ve ta.

A chun leh zua, unau hnutiang chhawnin,

I hmangaihna thlazar hnuai rawn belin;

A tlin lohnaah dawi ang dawm lo thiam la,

Tleitir lungmawl mai a la ni e,

A tan chun leh zua nih fawm zel ang che.

Fanau maltluan chawia leng dun zelin,

Engmah rengin inkar tibuai suh se;

Puak leh kaih fawm buai ber lai pawh ni se,

Anka rawl lian reng awm lo se,

Ngainatawm zua-chunnunemi lo niin.