27 Jun 2013

I chul tur hi - Zoawi Lelte

Phuahtu: Zirsangzela Hnamte
Thluk siamtu: Joseph Zokunga
Satu: Vanlalruati

Vanhnuai thang hming tha chuang,
Khuavel thang chhuak a'n maw;
I lo pian hringmi hei zawng zinga’n,
Khuanu chawi hminglian tha rualkhumin.

Engtin ngai ang maw,
Zofaleng zawng te'n;
Zoawi Lelte timaia i chul tur hi.

Kan ngaithiam thei nem le,
I zun phur leng zawngte’n,
Ti maia khiangawih hi kan tiam nem,
Mahse, auh kir rual i chang si lo.

I dawn kim lo a ni,
Zofate'n kan chan hi;
I tel lo chuan he kan Zoram hian,
Kalsiam relin ka ring thei lo.

Aw le, dam takin le,
Tiin i rual duhte’n;
Kan thlah nang che khiangawi mual chu liam la,
Fanau chawiin kumtluang dam reng rawh.



SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

2 comments:

  1. a chang tawpna ber a tlar hnuhnung pahnih khi a diklo ania...

    ReplyDelete
    Replies
    1. Kan tarlan zawk hi a original lyric ania, amah Pi Vanlalruati (Zoawi lelte) in a dam lai a sak dan in ka tarlang. A hnuah a boral hnuah a thian te (Mizo zaithiam rual) in an sak hi chu a boral hnuah an siamrem chawp a ni.

      Delete