Rualtinkhumtu YMA

Phuahtu: V. Thangzama
Satu: Vanlalruati

Hmanah pipu zaleng rual sa leh ral thuam ang a do,
A chhingzo tur zaleng rual awmthei reng hian ka ringlo;
Hranghrui leng zamual an liam a mi tuaithar te an cho,
Rualtin khum zaleng insiam YMA sakhming an ko.

Ka lenrual lungduh te u phanglo ten i pen ang u,
Ramriangte hi kan kur pui hmatiang sawn ah kan tul pui;
Ram kalsiam tluang zau e pheikhai then reng a zang e,
Kan luah ngei dawn e pen ru raltiang kai i rel ang u.

An pai lengin an hrilhfak kan Zotlang tluan a tlawm mak,
Khawvel zawng hian an hailo nghilhthei hian in an mawi lo;
Zawmthawt khuatlai a awm lo lungrual ten hma an hlen fo,
Khuangruah sur hal a awmlo turni hrang a pawi lem lo.

Amin sello u hmingtha lo hlan ve u chan ai tha,
Hleiten dang lo a thang ri khuatin mawitu a lo ni;
Chanhai riangvai te puitu thlafam lusun te hnemtu,
Kristian eng chu an lo chhi duhaisam chu hei ngei hi.

Lanu leng leh kan valrual Zorampar chu nangni hi;
In partin vul a mawi zual in par zu lah a thlum si,
Hnamtin dawnpui ka nuam e khuai ang lawiin lo leng se,
Dawnin an ma bil lawng e kirzai reng an rel lawng e.

Hemi hla hi hetah hian a ngaihthlak thei e: Rualtinkhumtu YMA