Ka Lal lenna

Phuahtu: V. Hawlla
Satu: Bawngkawn Pastor Bial Zaipawl, KC Hmingtea

Ka Lal lenna Jerusalem thar chu,
Fakna rimawi leh ropuinain a bawm;
A ropui zia tawng tinrengte'n hril thin mah se,
A chanve pawh an hril zo lo.

A chanve pawh an hril zo lo,
Khawpui mawi chhung - Lal chungnungber Lalna;
A chanve chanve pawh an hril zo lo.

Mi thianghlim zawng zawng leh angel varte,
Khawpui chhung lung man tam mawi chi tinreng nen;
Thangthar tiau zat ral hnu pawha thar zel tur chu,
A chanve pawh an hril zo lo.

Hnam tin, chi tin zinga chhiarsen lohte,
Ni tin Beram no Lalna ramah an lut;
Thlarau tam tak khawpui chhung lutte lawmna chu,
A chanve pawh an hril zo lo.

Hnehtu leh nunna bua hming ziakte,
Ka Chhandamtu chuan a buatsaih sak a ni;
An thawhrimna chawlhsanin Chhandamtu zarah,
A hausakna an chang tawh ang.

- Mizo khawhar hla -