Ka thlir bang lo

Satu: Bethel Lalrinfeli

Damlai hringnun piah ram lungduh lenna,
Ka ngai zual e, aw, ka thlir bang lo;
Beram no leh angel varte nen,
Chatuan hlamawi sain an leng e.

Aw, ka thlir bang lo, ka ramhlun tur,
Tlansa te lenna ram khawpui mawi;
Tlantu fakin hlimin an zai e,
Lei hreawmna ten a chim phak lo.

Imanuel thisen thianghlimah chuan,
Hringfa zaleng ten damna kan nei;
Kan khualzinna ram kan pelh hunah,
Chu khawpui chu kan tan a lo ni.

Nghakhlel takin ka thlir chu ram nuam chu,
Tlantu fak a, aw, ka zai hun tur;
Hnehna hla mawi saa ka zai hun tur,
Kum hlun ram mawi ngaiin ka thlir e.