7 Jul 2013

Mangtha mai le lei hringnun

3 Comments
Phuahtu: Lalhmunsiama
Satu: Lalbiakzauva, Janet Lalmuansangi

Aw ka hringnun Kalvari ah,
I nihna chu a lang e;
Ka nunna Krista Isua hi,
I tan thihna a lo ni.

Thi i lo ni, aw, ka hringnun,
Aw ka nun Krista ah hian;
Ka nun Krista ka han en hian,
Thi i lo ni ka hringnun.

Aw ka hringnun i remruat hi,
Ka Lal remruat a ni lo;
Duh thuhmun thei reng kan nilo,
Ka nun Krista i thihna.

I nihna hmun Lalpa ruat ah,
Aw ka hringnun chawl tawh rawh;
Kei pawh Lalpa hmun ruat ah chuan,
Ka chawl chhandamtu hnen ah.

Aw ka hringnun hnuai lama chhuak,
Kei chunglam chhuak ka ni e;
Lal hnih rawng hi ka bawl thei lo,
Ka hringnun min chawlh san rawh.

I chhuahna hmun khawhar pan rawh,
Ka hawng tang e Lal hnenah;
Ka chhuahna vankhawpui pan in,
Mangtha mai le lei hringnun.


SHARE
Four Brothers' Mizo lyrics

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

3 comments:

  1. Lalrinzova Khawlhring Lalhnam2 September 2013 at 21:23

    Lalbiakzauva (Zuapa a rui e tih satu) pawh khan a album-ah a sa a sin, ka pc-ah pawh ka nei e.

    He hla phuah tu Pu Lalhmunsiama hi Mizo Kristian hla phuah thiam Patea tupa kha ani e.

    ReplyDelete
  2. Four Brothers' Mizo lyrics24 February 2014 at 04:33

    @Lalrinzova Khawlhring Lalhnam, i rawn sawi ang hian Pu Lalbiakzauva hming pawh kan tarlang tel tawh e, kan lawm hle mai.

    ReplyDelete
  3. Lalrinzova Khawlhring Lalhnam9 October 2014 at 14:01

    A lawmawm hle mai! He hla hi chu satu an awm nual mai! ZODINTHARI VANTAWNG ICON pawh khan 'music video' siamin a sa bawk a ni.
    Blog ka lo lut khat hle mai, ka hman apiangin lo luh ka tum ve thin ang e.

    ReplyDelete