7 Jul 2013

Mittui a hul ang

on July 07, 2013 0 Comment
Lettu: C Vanlalvuana
Satu: Rebek Vanlalpeki, The Chronicles, Standing Choir BCM Chanmari, K Lalremmawia

Lungngaih mittui luang zawng chhiar dawn ila,
Tuifinriat ianga tam a ni ang;
Ka thinlairil ngaihtuahna te lang thei se la,
Hliam tuar leh a ser i hmu ang.

Mahse, chu khawpui tualah mittui a hul ang,
Chu in mawiah thihna a awm lo'ng;
Mittui a hul ang ropuina ram mawiah chuan,
Lungngaihna a awm leh tawh ngai lo ang.

Hringnun khawvel lungngaihna hmunah hian,
Tumah reng hlimin an leng thei lo;
Mahse, chu ram lungngaih awm lohnaah,
Hlimna hla mawi ropui an rem e.

Lusun, mangan a lo thlen chang te hian,
Beidawng leh tapin kan rum thin;
Kan intawk leh ang kan tum van nuamah khian,
Chatuana hlun turin kan leng ang.



SHARE
Four Brothers' Mizo lyrics

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: