2 Jul 2013

Rorelna dik

Phuahtu: Rev. H. Killuaia
Satu: Nancy Zothanmawii, Saron Presbyterian Kohhran Zaipawl

Rethei te mei eng en a an thut laiin,
Kuttlinglo hmanga hausak duhlo la;
Mahni ta mai en lovin lo kir leh la,
Dikna ramthar i din ve zawk ang u.

Rorelna dik chu tupui angin luang se,
Felna chu luipui kang ngai lo angin;
Hmangaihna leh remna ramthar min pe la,
Aw Lalpa khawvar hun kan nghakhlel e.

Riangvai te rapbet a chanpual laksak a,
Mifel tiduhdah a thamna latu;
In nun theih nana in chhiatna zawng lovin,
Thatna leh dikna i zawng zawk ang u.

Ram hausakna sem dan te hi en vel in,
Khawnge dikna ti a rum thin te hian;
Tunge i nih an hrilh chiang lo che em ni?
Chang ve se an chanpual mitin te hian.

Ram laili a awmtheihna tur zawngin,
Midang telve na reng awmlo tur a;
In leh in, lo leh lo zawmtir tu te chuan,
Chungpikna chu an pumpelh tawp lo ang.



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: