Samari Mitha

Satu: R. Lalruatfeli (Mapuii)

Kan khualzinna khawvelah hian
Suamhmang tawktu an tam e;
Hmangaihtu leh khawngaihtu tur
An mamawh Samari mi tha.

Samari mi tha, ngilnei zaidam,
Tanpuingaite tanpuitu;
Samari mi tha, khawngaihtu ang khan,
Nang pawh chu ang chuan ti ve rawh.

Tute nge ni suamhmang tawk chu?
Setana phuar mek te hi;
Chhanchhuaktu tur an ngai a ni,
An mamawh Samari mi tha.

Ei leh in leh silh leh fen tur,
Tlachham lo va i neih lai hian;
Mi tam tak te'n an nei ve lo,
An mamawh Samari mi tha.

Khawi hmuna awm pawh ni mah la,
Samari mi tha ang hian;
Tanpuingaite tanpui thintu,
I ni thei Samari mitha.