10 Jul 2013

Tap chungin kraws kawng ka zawh zel ang

Phuahtu: P.C Lalhmachhuana
Satu: Davida te unau, H. Lalremruati (Maruati)

Ka khualzin kawng ka vahvaihna,
Ka Pa Lalram a ni silo;
Amah ngei vahvaihna a nih vangin,
Tap chungin kraws kawng ka zawh zel ang.

Tahna ruam ka zawh hi ka Pa in panna lamlian a ni,
Mittui nen ka zin kawng zawh mah ila;
Ka pelh hunin ka chhandamtu hmel duhawm hliam hnu kha,
Hmu in hlim in hlamawi ka rem tawh ang;
Tap chungin Kraws kawng ka zawh zel ang.

Tuarna pumpelh kawng zawh tuten,
Kraws nunna hnar an hloh si thin;
Ka zinkawng a hrang ngei e, kham leh suar,
A hming pawh 'luruh hmun' a ni si.

Ka tan kawng dang a awm lo'm ni?
Ka tan Zion panna lamlian;
Mahse, ka Lal hnen min thlen dawn vangin,
Tap chungin kraws kawng ka zawh zel ang.

Ka Pa hnen ka thlen hunah chuan,
Ka khualzin kawng ka hrilh ang a;
Ka mittui min hrukfai sak tawh ang a,
Ka Pa, i hnen lo haw ka nghakhlel.

Tap chungin Kraws kawng ka zawh zel ang,
Tahna ruam ka zawh hi, ka Pa in panna lamlian a ni;
Mittui nen ka zin kawng zawh mah ila,
Ka pelh hunin ka chhandamtu hmel duhawm hliam hnu kha;
Hmu in hlim in hlamawi ka rem tawh ang,
Ka Pa i hnen lo haw ka nghakhlel;
Tap chungin Kraws kawng ka zawh zel ang.



SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. A phuahtu chanchin hi a rawn phuah chhuah dan kha chhiar a chakawm hle mai

    ReplyDelete