Zuapa a rui e

Phuahtu: Chhuani & Lalbiakzauva
Satu: Lalbiakzauva, Khatla South YMA Zaipawl, Maruata & PC-a, Sangpuii Hlondo

Han dawn ve teh leihring nun hi,
Chinlem a nei love thim thuneihna hian;
Chhungtin naunawn hlim zai reltu,
Zuapa suihlung lai a lo mawl tir e.

Zuapan chawlhtui ningzu a rui thin e,
Thai leh hrai duh leng zawng te;
Chhingmit an meng ngamlo lenrual hma ah,
Thinlai na in chunnun luaithli a nul leh thin.

Duhthu ai ang sam chang ni hian,
Hawikawm lenrual unau sappui iang hma an;
Uangpui chang suh i a chhingzo ngei zuapan tiin,
Thaiin duhthu a lo sam nen.

Kan van khawpui kan thlen hun chuan
Lungngaih tah mittui tlakna zawng zawng te hi;
Lalnunnem hnen thlen hunah zawng
A kiang ang tahna reng a awm tawh lovang.