9 Jul 2013

Thuphlen theih a ni lo

Phuahtu: R. Lalremruata (Parema)
Satu: Khatla Pastor Bial Zaipawl

Kan sualna te thupbo tumin kan buai thin,
Mahse kan chi theh ngei te chuan;
Kan nihna a lan chhuahpui leh si thin,
Engmah reng thuphlen theih a ni lo.

He khawvel ah hian kan thil tihsual thin ten,
Min um a kan buai leh fo thin;
Kan nihna dik haihawn anih hunah,
Tunge kan nih kan la hre dawn si.

Pa hma a kai kun a kan sual hawisan in,
Lungchhirin a lam i pan ang u;
A hmangaihna chuai ve ngailo chuan,
Chatuan thleng in min hruai zel dawn si.

Zep lova inpuang a hawisan tute chuan,
Zahngaihna an la hmu dawn si;
Kan hnunglama thil awm te hawisan in,
Kan hmalam hun i thlir zawk ang.

Amah duhtu chu a thuphlen dawn silo,
Theihtawp chhuah a dinnghet te chu;
Kan Lalpa Pathian ngei chuan chawikang in,
A la chawimawi ve ngei dawn si a.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: