11 Jun 2014

I hming ka fak ning lo'ng

Phuahtu: Samuel Ralte
Satu: Maggie Malsawmzuali & Zoramchhani (Duet)

Ka thiam ka theihna leh, ka aw neihchhun zawng te'n;
Theihtawp chhuahin i hming ka fak fo thin;
Mahse, chu mai zawng chu ka duh tawk mawlh lo,
Ka thinlung zawng hian ka fak duh che.

Theihchang se thilsiam dangte iangin,
Fakna hla mawi chu rem ve ka nuam;
Aw, ka theihna te tlem thin mahse,
I hming ka fak ning lo'ng.

Kawtthler hmun ruak te chu ka va fan chang ni chuan,
Lungmuanna leh chawlhna reng ka hmu lo;
Krista hnenah chauh lo chuan ka nun a kim lo,
Hriat phakloh hmangaihna min chan tir.

Tu dang hriat ngai lohin ka nun a chau leh thin,
Zanthim ka tan lungngai an chang zo thin;
Rilru khawhar takin ka hun ka hmang thin,
Chhantu hmel duhawm a lo lang ta.

I chatuan hmun ropui ka thlen hunin,
Lawma zai vawr ka bang tawh lo'ng;
Aw Isu, i hnen thlen ka nghakhlel.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: