Phuahtu: Lalrammuani (Mamuani)
Satu: Lalhlumawii (Bitei)Lei leh van siamtu leh engkim siamtu,
Awm lo ata awma min din tu chuan;
Hringfa engmah lo leh tawmkai lo te,
Min hmangaih in kan tan i nun i hlan.
Ka lo va han hrefiah phak ngai lo em,
I hmangaihna leh i khawngaihna te;
Boral mai tur hringfa min zawng chhuakin,
Chatuan nunna min pe kan fak a che.
I fa a min pawm hi a va mak em,
I ropui ka hriat tam leh mak a zual;
I hmangaihna leh nunna min pek hi,
A thukin, aw, ava han ropui em.
Van ropuina thlahlel hlei thei lo hian,
Kan tan kraws leh ranthleng i rawn thlang hi;
Ka puang chhuak zo lo i hmangaihna hi,
Hmangaihna mak tak chu a lo ni e.
Van Angel thianghlim leh Serafim ten,
I ropui an fak nin theih loh laia;
Fak tawk nachang reng ka lo hre lo hi,
Min ngaidam ang che, aw ka Lal duhtak.
hla thu nagmahni tana hlwkna wm myhloa inhun hlutak senga indah thin hi inropui takzeta.ininpekna hi aropui takzet mai.kan mizo hla zwgzwg deuhthw a wm thei nan tan han la sauh sauh teh u.
ReplyDelete@Zotea Hmar, kan lawm em em e, theihtawp kan lo chhuah zel dawnnia.
DeleteHla Phuahtu hi Lalrammuani(Darmawii) w/o C Lalzarmawia zawk niin ka hria.
ReplyDeletei rawn sawi ang hian kan siamtha nghal e, kan lawm em em e
Delete