Thlafam ngaia tlaini len chu

Phuahtu: Hrangchhingi
Satu: Lalruotmawi

Thlafam ngai a tlaini len chu thinlai a zing riai e,
Kir leh reng hian an mawi si lo;
Hnutiang an chhawn khawvel ram hi,
An sul i hnu run chhung zau leh laitual zawng te;
Ka tah mittui an chang zo ta.

Aw, ngaiin ka tap, dar ang lenlai kha,
Run chhung nau ang nuihna rial tui ang a dai e;
Chhungkim tea hlim lai ni zawng kha,
Ka tahna an chang zo ta e.

Min dawnpui ve ang maw chinlai lenrual lungduh te hian,
Ka par mawi kung vullai a tliak;
Piallei thuah riat hnuaia zal chu,
Tawn leh ni reng a awm dawn lo, khawvelah hian;
Ka tap tlangrel ka dawn zo lo.

Lalpa siamthar khawpuiah chuan an leng e, lungduh te,
Khawvel ram reng an ngai tawh lo;
Zion Lalpa ropui fakin,
'Haleluiah' tia au vin zai an rem e;
Lawmna chul lo chu an chang ta.