20 Nov 2017

Babulon lui kam

Phuahtu: Rev. Lalremsiama Ralte
Satu: Venghnuai Pastor Bial Zaipawl (2010 - 2012), Nghaktea Fanai, Bethlehem Pastor Bial Zaipawl, Lungchhuan Kohhran Pavalai Pawl

Babulon lui kamah thuin,
Israel fate'n an tingtang an bang a;
Sal a hruaitu te'n hlimna hla sa tura an ngen lai khan,
Mi ramah engtin nge Lalpa hla kan sak theih ang,
Fakna rimawi zawng pawh a chuai zo ta.

Kan Zoram dung leh vang hi thlirin,
Thlarau malsawm ruahtui kan ngai a ni;
Zion hla mawi leh tingtang zai ri te'n mual an liam mek e,
Kan perhkhuang tuipui kamah bangin zai a chawl e,
Mi tinreng te thinlai a ngui zo ta.

Nangmahah chuan i mi te, 
Kan hlim a, kan lawm leh theih nan;
I thlarau kan chungah tirin, 
Min tiharh thar leh ta che, Lalpa.

Kan ngai e, kan dawn kirin,
Thlarau par tlan hlim zai kan vawr lai kha;
Tlaini rei pawh ning lo te'n Lal fak zaia lamin kan leng,
He leiah mah chuti ang lawmna sang kan chan chuan;
Van ropuina chu eng ang tak ni ang maw?

Aw Lal Isu, lo leng leh la,
Kan zingah hian mutthlu te kai harh rawh;
I hmangaih tuipui fawn te chuan thinlung tin bual harh leh se,
Tlang tina sual kulhpui te thiatin phuar te phelh la;
Mei angin kan thinlung hi kang fai rawh.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

3 comments:

  1. A phu ah t u h i R E V L A L R E M SI A M A a n i a, ha n d a h t e l t h e i l a c h u a n

    ReplyDelete