26 Nov 2017

Senior department hla

Phuahtu: Lalsangzuali Sailo
Satu: Lalsangzuali Sailo leh naupangte

Aw kan Lalpa, I fate hi,
I kawngdikah kal zel tur in;
Kan tleirawl hun leh rilru hi,
Ti thianghlim in vawng zel ang che.

Aw Lal Isu, I ta kan ni,
I duhzawng te min zirtir la;
Nangmah fak in kan zai ang a,
I thlarau in min hruai zel rawh.

Kan nulat leh tlangval hun in,
Nangmah hriat hi a tul ber fo;
Kan nu leh pa leh kohhran tan,
Ban rinawmah min siam ang che.

He khawvel a kan lenlai hian,
Sual leh thlemna an lo hnai thin;
Chutih hun in min pui ang che,
I hmel duhawm min hmuh tir la.

Kei ni Senior zirlai zawng te,
I hmangaih fa I ta kan ni;
Kan thinlung khauh luhlul tak hi,
Rawn luah khat in ti nem ang che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: