Tap lo thei ka ni lo

Satu: Lalsangzuali Sailo, H Lalchawimawii

Tap lo thei ka ni lo aw ka laina te kha,
Hnutiang lam sul ang an hawi tawh lo e;
Pialral rihsang an kai zo ta a maw?
Kir an rel tawh lo e.

Ka tap khawvel ram zau ah hian,
Hun, in, ram, lo, fan chang lunglen ni hian;
Khuarei hnutiang ngaiin kan rum a tho leh thin,
Ngaih chang ni zawng te kha.

Awm a har min hnemtu te an kir tawh lo e,
Ka tah nan khua a sei lua e Lalpa;
Tual an lenna hmuh ka nuam an hmel nen,
Angel dungthul an ni.

Zion hlimthla an bel hmangaih lungduh te nen,
Ralmuanna tlang chungah leng in an awi;
Ka nghakhlel e chu rammawiah chuan,
Aw, kan la leng za ang a.