18 Jan 2018

I hmangaihna zarah

Phuahtu: Thanherha
Satu: F Lalzamliani


I hmangaihna zara lawma inkhawm hnu te,
Kan lo inthen darh hianin chhandamtu;
Min hnemtu an awm love khawvelah,
Aw, Lal Isu kan hnenah lo leng la.

Aw, cheng reng la Lal Isu kan hnenah,
Min awmpui la khawhar riangvai fate;
I hmelah lawmna a awm si,
Ka ngai tawp thei lo'ng che.


He lei hi zawng tap a inthenna hmun a ni,
Aw, Lal Isu i hmangaihna zarah;
I chatuan rammawi a ka len hun chuan,
Kan inthen tawh lo ang ringtute hi.

Khawhar in Lal Isu tunah ka au a che,
Lo leng ta che ka thinlung sualah hian;
Varparh arsi aiin i engmawi zawk,
I hmelah thlamuan leh lawmna a awm.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: