Ka taksa lungngai mahsela

Phuahtu: Saihnuna
Satu: H Lalchawimawii, H Lalnghinglovi, Jojona

Ka taksa lungngai mahsela,
Vanramah thla in ka leng thin;
Tunah chau in rum mah ila,
Nakinah thla in ka thlawk ang.

Damlaini a ral hma chuan Lalpa,
Nunna hlim reng reng ka nei lo;
Chatuan Zion khua lo var tawh la,
Buaina zawng zawng lawmna chang rawh se.

Suala thi in thim zingah hian,
Chatuan eng lam chu ka zawng ang;
Kei rethei chau leh saruak hi,
Hlimna in min ti famkim rawh.

Khawpui rangkachak ram nuam,
Thleng ila pialral khawpui chu;
Nunhlui ram ka han thlir ang a,
Ka tahna reng ka ngai lovang.