Lal thisen

Phuahtu: Biakchhawni
Satu: Aizawl East Bial Zaipawl Isua Krista Kohhran

Ram ropui lam panin pen zel ang u,
Kan hma ramnuam lam chu pan in;
Lei hrehawm hnutiang chhawn chung zelin,
Thlaler ramro hrehawm kaltlang turin,
Huai takin i kal zel ang u.

Lal sipai ten hnehna puanzar,
Khawvelah kan la zar ngei dawn a ni,
Haleluiah! Haleluiah! Haleluiah! Amen!

Lal sipai ten hnehna ralthuam hmangin,
Hneh zel tur leh hneh chung zelin;
Sualna ral lian i tawn zel ang u,
Lalpa Isuan hma a hruai zel ang a,
Lawmna ropui kan chang tawh ang a.

Zion lawngpui kan vai kal ruai ruai dawn,
Hnehna hrang lam hlado chham in;
Hnehna puanzar kan zar ngei dawn e,
Chu ngei chu a ni Zoram nghahfak chu,
Hnamte ropuina kawleng tur chu.

Jordan luipui kan daikai hun chuan,
Chhinchhiahna maktak kan keng ta;
Khawvelin a hnial ngei dawn a ni,
Lal thisen kai kan lo lang tan ta e,
Zion Lal tan a thawktu te chu.

Jerusalem thar an hawng dawn ta e,
Zoram kan ram ngeiah hian;
Hnamte dam nan kawl a eng dawn ta e,
Aw, Zoram, hlimin lo au chhuak tawh la,
Zalenna kawl a eng dawn ta a ni.