Par lai a tliak

Phuahtu: C Dinthanga
Satu: Lalenkawli Pautu, Lalruatpuii Tuallawt

Chhungkimtea dar ang kan len laiin,
Cho loh awmlai leng kan runah lo hrang e;
Thiam tinreng leh dawi tinreng te,
Damna run pawh i tan an tling lo maw.

Tlangin min sel r'u, kan tuar thiam lo,
Ami tawnah hai ang tar fam e;
Keini tan erawh kan kungpui,
Kan lawmlai, kan nghahna runpui ber.

Par lai a tliak, kan tuar thiam lo,
Run in chhung hi rial ang a dai;
I hrailengte ar ang kan vai tur i dawn lo em ni,
Aw, ka nu, ka nu, lo kir leh rawh.

Zingtianah khua a lo var a,
I aw mawi hai ang min thangtu;
Tawn tur awmta lo anka nem,
Nang ngai hian luaithlipui kan nul leh thin.

Damchhung belhfak, aw, i thiamna hlu,
Hrailengte dawi ang min thiam tir a;
Kan tan a hlu a malsawmna,
Kan ram leh hnam tan kan vawng zel dawn.

Chung khuanu leng kan dem lo che,
Ka nu dam ni hei chen i sei;
I van khawpui mawi nuamah chuan,
Chatuan atan, aw, lo lawm rawh.

Aw, ka nu, ka nu, i dawn kim lo,
Aw, ka nu, ka nu, lo kir leh rawh.