Thalawnsangi

Phuahtu: H Lalringa
Satu: Lalengkawli Pautu

Awmkhawhar nau ang ka tap tlaini len in,
Tleitir leng runah sial ang ka lawi;
Mahse, chhingmit rauthla ka tawng nemaw,
Khawnge lengdawntuai thalawnsangi.

Dawn a har sakhmel tha sensiar mi u,
Nang lova tlaini len ka zuam lo;
I vullai rel thang chhum ang zing lo se,
Par ang vul reng la thalawnsangi.

Thal favang tlaitla par ang ka lawm a,
Mahse dawntuaitiri tel lo chuan;
Ka tlei hlawl lo a ni a riang vala,
Lo chhuakin rih takin lawnsangi.

I lo piang nau ang ka tahna tur reng ang,
Chung khuanun a hual che dawntuaite;
Par thing ang i vul lai ni chuai lo se,
Ka ti che lenmawi thalawnsangi.