Ka tuar dam thei lo

Satu: Lalrindiki Khiangte (Daduhi)

Chan tawk khuarel hi na ka ti duhlai,
Hmangaihna par tlan dun lai a;
Chun leh zua biahthu hnawl ngam loh vang a,
Lengdang par chu min thliah san tak mai le!

Ka tuardam thei lo, awi, a na ka ti!
Ka chan tur hi e, i dawn lo em ni?

Kha chen sul angin kan lo in zui a,
Runhmun lendun hial kan rel kha;
Nghilh leh mai tur pawh khan i mawi silo,
A va han mak ngai ve, aw, di lungrun.

Nghilh zai rel ve nan tiin,
Chhingkhualah zirna run sang ka zuk bel a;
Khuanu malsawmin hlawhtlinna ka chang,
Nang lo chuan lunglawm a kim thei chuang lo.

Mahse maw, duhlai lungchhir in,
Ka lam i lo hawiin lo kir mahla;
A rem tawh silo ka ngaidam thei lo,
Kumtluang in mangtha ka di mangtha le.