20 May 2019

An eng reng ang

Phuahtu: K Ramdinzauva
Satu: Esther Khiangte

A hmu ten chawimawiin an fak thin an tlantu,
A tana thawkin an kal chhuak thin;
Vanglaini, thiamna te tlantu tana an hlan hi,
Engtiangin nge a lo lawm dawn le?

A fingte chu vaneng angin an eng ang a,
Mi tam tak felnaa hawikir tir tu te chu;
Arsi angin kumkhaw tlaitluanin an eng anga, 
Van thlen thlengin an eng reng ang a.

Khawvel mawina te hian lo au leh thin mahse,
Tlantu ropui fakin an chawi e;
Leiah hian vakvaiin innghahna an hmu lo,
Khawvel ropuina an ngainep si.

Chanchintha avangin chawimawina an hmu lo,
Khawvel miten an ngaisang si lo;
Chatuan khuavar hun chuan hlim takin tlantu hnenah,
An zin ram chanchin an hrilh tawh ang.

Vankhawpui tualnuamah van hlamawi zai an rem,
Beramno chu an tan eng a ni;
Chu khawpuimawiah chuan hlimin an zai tawh ang,
An lei hringnun an ngai tawh lovang.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: