27 May 2019

Tawngtaina

Phuahtu: C Lalzarmawia
Satu: TBC Zaithanpuia


Aw Lal Pathian, i malsawmna zawngte,
Min vurin min veng thin nitin nun kawngah;
Thiamnate leh finna te min pe a,
I ropuina chu keimahah tarlan a ni.

Ka thiamna te leh ka finna zawng te hi,
Malsawmna tam tak min vur zawng zawng te pawh;
Ti thianghlim la i ropuinan hmang ang che,
Chatuan atan i ta ka nih theihna tur in.

Ka nitin nun, ka chetzia zawng zawngah,
Nangma nun tawmpui tu ka nih tawhna chu;
Tarlana a lo awm theihna turin,
I thlarau thianghlim in min kaihruai lang in.

I duh zawng leh duh loh zawng ka hriat theih nan,
Thlarau thianghlim tanpuina ka dil a che;
Chhia leh tha hriatna hman ka thiam theih nan,
I thlarau thianghlim pawlna ka dil a che.

I rawngbawlna kawngah thahnemngai a,
Ka theihtawp ka chhuah ve theihna turin;
Ka rinna leh taksa tichak ang che,
I thlarau thianghlim in min kaihruai lang in.

Nangmah hmangaih thei turin min pui ang che,
I chhandamna ropui chu ka chan vang hian;
I hnenah lawmthu ka rawn hrilh a che,
Chung chu fapa Isua hmingin ka han dil e.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: