6 Jun 2019

Ban zai ka rel mahna

Phuahtu: F Vanlalhriatrenga
Satu: Spi Bawitlung


Ka riang chuang bik em ni leng zawng zingah?
Senlai nau ang nuih zai ka rel thei lo;
Suihlung rual lai ka dawn chang ni hian,
Nunhlui ngai in tahkhua a sei mang e.

Chhawrthla kai zai rel la ka di tawnah chuan,
Hlan nang che a riang lungmawl biahthu;
Tui ang nem hmangaih biahthu mi hlan leh la, lungrun,
Tichuan maw  duhlai, nang ngaih ban zai ka rel mahna.


A di a tawng bik ne'm chhawrthlapui pawn,
Mahriak te in a kai thangvan zau ah;
Di zun ngai chhawl ang phur chung hian maw,
Mahriak te in zankhua ka hmang leh thin.

Ka phal si lo biahthu thamral mai an,
A rem lawm ni kumtluang a runhmun len;
Awmhar tahkhua a sei bil loh nan,
Duhaisamah ka sam lua em ni zawk?
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: