6 Jun 2019

Rem ve thei se

Phuahtu: Rualthankhuma
Satu: Spi Bawitlung


Mapui, nang nen a lendun hi a rem lo maw?
Anka nem ten biahthu di hlan dun hi a rem ve lo maw?
Nang ngaih lunglen a zual chuang mi u ka  lungdumtu,
Tlaitla engno riai thlir in, tlangrel sawi tam pawh ka dawn zo lo.

Ami zaleng zawng ten kawplai di nen,
Tudang reng ngai lo ten tual an mawi e;
Mapui, nang nen lendun rem ve thei se,
Biahthu di kim ten hril dun ka nuam.


Ami hluanin ka riang chuang, mi u, a rem lo maw?
Anka nemten biahthu di hril dun hi a rem mawlh lo maw?
Rairah vanga thinlai hnemtu tawnloh reng chu,
Van a duai sei thlawn e mi u, chantawk khuarel maw ka tan lo ni

Theih chang se, aw, chung mu ianga leng der der in,
In run in sumtual mawi fan ve hi ka nuam e Mapui;
Chung chhawr thlapui a lo en chang in lung a leng zual thin,
Ka perhkhuang tingtang nen Mapui, lungruk duhthu vur mai na nge.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: