16 Jun 2019

Duatlai hraichawi

Phuahtu: Juliet Hnamte
Satu: Juliet Hnamte


Ka hraichawi duhtak te u, in dam thin em le?
Chun tel lo a hringnun in hmang liam tur;
Dawnin thinlai ana ngei kan kar lam hla ta si e,
Dar ang tawnni herchhuak thei si lo,
Chhing mitthla an in cham reng thin ka bung dawntuai te u,
In kim tlang mawi leh duhawm tak te;
In awrawl mawi leh nui ri te kha,
Lairil an nghilhni awm lo'ng e.

Tawnmangah dar ang tawng in nuihiau chawnban vawrin,
Ka tang nemah ka lo pawm thin che u asin;
Mahse, thangril lo harh in mahten laikhum lo zal in,
Dan rual loh chhing mittui a sur leh thin,
Tuar thiam ava han har thin em ka hrai duhlai te u,
I tello chuan ka tlei zo si lo;
Theih chang se tawnmangah tal kumtluang in,
In kiang a len ka nuam thin ngei e.

Anka nem hlan tumin e, zuapa ka rawn dil a,
Mahse, thinlai na tizual tur an maw;
"Ka mamawh lo che asin i tello pawh hian e,
Kan tlei asin," tiin min lo hnar si a,
Nunrawng zuapan a phal si lo maw,
Engtin hian i theih zawk le zuapa?
Ka rohlu neih chhun, ka damchhan, ka hraichawi te,
An tello a hringnun hman ka ngaingam lo.

Ka hmangaih ka duatlai te u, min ngaidam ang che u,
Chunnu'n in tan ka theihna a tlem lua e;
Khuanu zarah dam te'n leng ula,
Min nghilh bik lo'ng che u, ariang chunnu hi,
In sakhming sawi reng hi ka bang thei dawn lo.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: