Kumtluang atan

Phuahtu: Vannunthara (Thartea)
Satu: P.C Lalengzuali (Maengi)

Ka thinlai ruk a hlim thin ngei,
I sakhmelmawi tawn chang ni hian;
Lungrun thlir nin i har ngei e,
A mawi chuang ngei i kimtlang reng,
Ka duhaisam i khum zo ngei mi u,
I hlu, i mawi chuang e.

Ka ngai che, ka ngai zual che,
Tawn ni reng i awm si lo;
Suihlunglen a na, a na chuang ngei e.

Ka tawnah par ang vul zel la,
Ka suihlung lawm a kim ngei ang;
Bawihte, kumtluang atan,
Ka kham thei lo anka nema ,
Hmangaih biahthu min hlan zawng kha,
Lairilan ka vawng, ka dawn ning lo.

Aw, engtika'n nge khuanu hian,
Runhmun lendun min tiam dawn le?
Kei zawng ka nghakhlel em e,
Lendun nan kawl lo eng thuai se,
Malsawm fanau maltluan chawi in,
Aw, nang nen kumtluang atan.