Hmangaihna tawp khawk

Phuahtu: Rev. H.P Runremthang
Satu: Lalruotmawi

Lalpa Isua min hmangaihna,
Thuk leh san zia hi ka dawn chang in;
Thu leh hla in ka puang seng lo,
Biangah mittui a lo hnai thin,
Hmangaihna tawp khawk ngei a lo ni.

Hmangaihna nunah pawh a tawp khawk e,
A mawina zawng zawng sawr kangin;
A ropuina ngei pawh min hlan,
He ti ang hmangaihna mak leh ropui hi;
Ka theihna zawng in ka puang ang a,
Thih thleng pawh in ka zui zel ang.

Ropuina zawng zawng neitu leh,
Lei leh van thil engkim siamtu kha;
Saruak mai a lo piang chhuak in,
Saruak mai in fam a chang ta,
Kei misual damna tur a lo ni.

Pathian nihna nei reng mahse,
Mihring te ang chauh a lo piang in;
Bawih anga rawn in ngaitlawm in,
Thih thleng in kraws a rawn thlang ta,
Kei misual damna tur a lo ni.

Damlo te pawh tidamtu leh,
Mitthi te ngei pawh kai tho tu kha;
Mahni in ti dam duh lo in,
Thih thleng in kraws a lo chelh ta,
Kei misual damna tur a lo ni.

Hliampui tuar a a rum lai pawn,
A hmelma te tan a tawngtai;
"Aw Pa, anni hi ngaidam rawh,
An thiltih an hre lo" tiin,
Hmangaihnaah pawh a tawp khawk e.