Hruaitu van arsi

Phuahtu: R Lalchhanhima (Chhantea)
Satu: MAMA Praise, Lalenkawli Varte & Lalnunhlua Chhakchhuak

Khualzin kawng zawha kan chenna khawvelah hian,
Ngui leh chauh chang niten thla an zar fo ṭhin;
Hruaitu Van Arsi thlir zel lo chuan unau,
Hringnun lamtluang âm te'n i hmang ral ang.

 Zui rawh, Hruaitu Van Arsi,
 A thlen ang che Chhandamtu lam chu;
 Belin i thinlung hlan la,
 Chawlh hahdamna famkim i chang ngei ang.

Hringnun vulmawi hian chatuan reng a daih si lo,
Ṭhat leh vanglâi nî hîan Lalpa tân thawk rawh;
"Rawtsawmtu rite a lo chuai hun meuh chuanin,
Thil zawng zawng hi engmah lo mai a ni ang."

I sual rit phurh zawng nen, Hruaitu Van Arsi lam chu,
Pan ve ngei ang che aw, fam i chan hma hian;
Sual vanga tuara thihna hnehtu ram tiam,
Raltiang ram nuam i kai ve ngei theih nan.