I lamah atang Lalpa

Phuahtu: Vanlalsailova
Satu: Vanlalsailova

Lei hringnun damchhung ni tawite hi,
Hlim ten hmang la, i pang tina tu reng awm suh se;
I thatlai ni leh vullai ni a tawi lua em e,
Tun hi hmang tha in naktuk veng rawh.

Chhelna leh beiseina a thuam in hawilo par mawi chu tawn zel la,
Hun liam hnu leh tuna tuarna hi hnunglam hawi nan a hmang lo in;
"Hmalam panin ka kal zel dawn ka hneh ngei ang" tiin.
Insum la, in fuih la, chakna i neih kha hria la,
Zam mah ta che..i lamah atang Lalpa.

I hringnun thawnthu a zawhna hriatthiam loh mittui ko chhuak tu kha,
A chhan i zawng a vanruai in thim in lo nang vel che mahse;
Lengngha ten luiluang zawh lo a suar an pal ang hian,
Kal zel rawh aw...i lamah atang Lalpa.

A changin dinglamah kal in, a changin veilamah,
Tluk leh din fawmin i hun i hmang;
Nun tak nei lo, nun nghet thei lo, beisei bo mai maw,
Mi vanduai ka va'n ni teh lul em!

Van pawh khian duat leh thlei bik neia rorel hial in i ngai thin a,
Mahni inkhawngaihna a rumin, damchhan awm lo in ngai mah la;
"Hmalam panin ka kal zel dawn, ka tho leh ang" tiin,
Insum la, in fuih la, chakna i neih kha hria la,
Kal zel rawh aw...I lamah atang Lalpa.

I hringnun thawnthu a zawhna hriatthiam loh mittui ko chhuak tu kha,
A chhan i zawng a vanruai in thim in lo nang vel che mahse;
Lengngha ten luiluang zawh lo a suar an pal ang hian,
Kal zel rawh aw...I lamah atang Lalpa.

Zai rawh le, zai rawh le, lam rawh le, i thatlai chu chen teh le
Ruihhlo a ngai lo e  nunhlim nan, van nun kha tem zawk teh la;
Lo haw teh, a ngaidam che, chhungkim tein Lal hnenah lengza ang aw,
I lamah kan tang zel dawn...i lamah atang Lalpa.