Ka ngai thin

Satu: Laldinriki Khiangte (Daduhi)

Mahte a riahrun belh chang in,
Hai ang a lo thar leh thin a sin;
Nunhlui liamhnu ngaihni bang lo,
Ka ngai thin nunhlui.

Tuar thiam a har ngei nunhlui ngaih hi,
Engtikah bang ang maw?
Ban zai reng a rel si lo,
Khuarei pawh chang mahse.

Lenrual lungduh zawngte kha,
Khuanu lengin hualhim se;
Hlim ten zaivawr leh ila.

Kumpui sul a lo vei zel a,
Lalpian hun a lo thleng leh thin a;
Thinlaiah an lo thar rual hlui te
Zai kan vawr ho lai te.

Tawn leh ni lo herchhuak leh se,
Perhkhuang tingtang nen hlim zai vawr in;
Tudang ngai lo ten lungrual a
Len ka nuam mang e.