Rai ka rah vang

Phuahtu: C Durthanga
Satu: Lalrindiki Khiangte (Daduhi)

Ka di duhlai sakhmelmawite,
Ka thlir ning lo i kimtlang mawi;
Chhing zo reng che an awm ne'm aw,
Lairil i fan, tuar i har ngei.

Tleitir leng rual laitual an leng ka thlir vel,
Nang ang hmeltha chhing zo an awm lo;
Ti em a lungtiawi hi,
Piang leh tur hi awm maw khuavelah hian,
Kei zawng ka ring thei lo a ni;
I zun leng a uai pawh a na ka ti,
Mahse, cho rual i awm si lo.

Nang zawng e, ngurnun iang i leng,
I duh leng di i thlang thei si;
Kei zawng tling hian ka inring lo,
A pawi ngei e, rai ka rah vang.

Mahse, duhlai ka tan lengdang,
Chhai thei hian ka in ring si lo;
Tumtawk lengdang chu tam mahse,
Nang lo lungkham ka nei si lo.