by
Phuahtu: Rokunga
Han thlir ila, si-ar thangvan eng khi,
Mahni lamtluang chhui zelin,
Hlim takin an leng van zawlah;
Kan tana ruat reng em lo ni le,
Chung Khuanu lengin?
Aw en chim loh, thlir ninawm lo,
Lei rawngbawla her liaiin,
Lei mite hun bi an chhiar e;
Au rawl reng awm si lovin,
Biahthu tinkim min lo hlan.
En teh khi, van lasi an lawi em ni?
Chung Simeikhu a lo ni;
"Hun a ral kum tam a liam ta,
I hun tha duai reng a liam nem le,"
Tiin min lo au.
Kei ka thu hla mi ngai hi awm ve maw?
Chung siar lung mawl mah khian,
"Nunna eng nei la," min lo ti;
Ngawi rengin tawng lovin chet danin,
I eng ve ang u.
Han thlir ila, si-ar thangvan eng khi,
Mahni lamtluang chhui zelin,
Hlim takin an leng van zawlah;
Kan tana ruat reng em lo ni le,
Chung Khuanu lengin?
Aw en chim loh, thlir ninawm lo,
Lei rawngbawla her liaiin,
Lei mite hun bi an chhiar e;
Au rawl reng awm si lovin,
Biahthu tinkim min lo hlan.
En teh khi, van lasi an lawi em ni?
Chung Simeikhu a lo ni;
"Hun a ral kum tam a liam ta,
I hun tha duai reng a liam nem le,"
Tiin min lo au.
Kei ka thu hla mi ngai hi awm ve maw?
Chung siar lung mawl mah khian,
"Nunna eng nei la," min lo ti;
Ngawi rengin tawng lovin chet danin,
I eng ve ang u.
phuah kum hi awm tel thei hram se aw
ReplyDelete