Leng dang an tam

Satu: Maengi

Vawi tam lungrun anka nemten,
Min hnawl lo in min chhang si lo;
Ka hril thiam lo i nungchang hi,
Sirah min hnawl bawk chuang si lo,
Ka beisei tawh lo'ng che, ka liam mai ta  nge.

Suihlung rualpuian bawihte ka sawm che a,
Mahse, chhan zai reng min rel si lo;
Ka tangnem hlim ten bel turan ka sawm che a,
Mahse, ka lam reng i rawn hawi si lo,
Ka thlang ber tawh lo'ng che, lengdang an tam em.

Vawi tam lungrun ka ngen che a,
Mahse, lunglawmna reng ka tawng si lo;
I kiangah len zawng a nuam thin e,
Mahse, bawihte a tawk ta e,
A rem thei mawlh si lo nang nen a len reng hi.

Vawi tam lungrun anka nemten,
Min hnawl lo in min chhang si lo;
Ka hril thiam lo i nungchang hi,
Sirah min hnawl bawk chuang si lo,
Ka beisei tawh lo'ng che, ka liam mai ta  nge.

Vawi tam lungrun ka ngen che a,
Mahse, lunglawmna reng ka tawng si lo;
I kiangah len zawng a nuam thin e,
Mahse, bawihte a tawk ta e,
A rem thei mawlh si lo nang nen a len reng hi.