Lungdawh hla

Phuahtu: V Hawlla

Kan Zoram nuam chhuah tlang hi,
Dawh-lung thlafam run rem hmun,
Hmasang pi-pu lungrualna,
Leng zawng ram tuan lungrualna,
Thlafam lung mawl run rem hmun,
Kum sul veia senhri par ianga vulna.

Tlang tin chhuahtlang dawh lung hi,
Sa hrang, vawngkhaw leng hmuahna,
Tuangtuah par mawiin a bawm,
Phunbung zar mawi a leng vel,
Changsial ki ring mawi tarna,
Hmasang pi-pu thangvan sang kaina hmun chu.

Dawh lung sang kan rem hmun chu,
Vangkhua lal lai dar rikna,
Nemten puan tial mawi zarna,
Vakawl lena lam thaina,
Thang tin chhuah mite uanna,
Se chhun, khuangchawia rauthla run rem hmun chu.

Nun a dang zel a thar ta,
Hmasang pi-pu nun a bo,
Tunah erawh chung Pathian
Rauthla leng run hmun nuam chu,
Dawh lung dawh sang a ni lo,
Thangvan run nuam chung Pathian lenna a ni.