Ni ropui a lo thleng dawn ta

Phuahtu: Patea
Satu: Bawngkawn Pastor Bial Zaipawl

Ni ropui a lo thleng dawn ta,
Kan nghak Lal Immanuel;
Sual leh ramhuai tlawmna ni chu,
Chhandam fate kan zalenna tur chu.

Chumi hunah chuan hlim in ka zai ang,
Lal ram buatsaih chatuan hmun ka chang ve ang a;
Aw, ava nuam dawn em, aw, a va hlimawm dawn em!
Hlim tawp hlau lo vin kan leng ang.

Engtikah nge ni ang Lalpa,
Hnehna ni kan hmuh hun tur;
Thlawkin Jordan ka lo kai a,
I tan van arsi angin ka en ang?

A ni tak e, Chatuan Lalpa,
I khawpui siamtharah chuan;
I thisen a i lei tawh te,
"Ka hnenah lo kal rawh u," i tih thin kha.

Aw, khawpui thar, i mawi mang e,
I chhungah hnehtu an leng;
An hnehna hla thar sak tur chu,
Khawvel ral hun atan an dah ta e.