11 Jun 2019

Nitin thlemna fiahna te tawkin

Satu: Bawngkawn Pastor Bial Zaipawl

Nitin in thlemna fiahna te tawkin,
Lungngai leh chau in kan rum thin a;
Thenkhat erawh chu nuam in an leng si,
Engvang nge hriatthiam a har a ni.

Mahse, a rei lo'ng, a rei tawh lovang,
Engkim chiang takin kan hre thuai dawn;
Lungngaihna zawng hi lawmna tikimtu,
An la chang dawn si reiloteah.


Damlai niah hian harsatna tinreng,
Tlakchham retheihna kan tawh laiin;
Thenkhat erawh chu mangan hre lovin,
Engvangnge hriatthiam a har a ni.

Thihna lusun tuar vanduai retheite,
Hrehawm tinreng tuar lungngai fate;
Lunghlu kawngkhar mawi kan thlen hunah chuan,
Engvangnge chiang in kan la hria ang.

Nakinah Isua lo kal hunah chuan
Ropuiin amah kan hmu ang a;
Van in nuamah khian min hruai hunah chuan,
Engvangnge chiang in kan la hria ang.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: